Science day special

মানুহৰ বাবে বিজ্ঞান আৰু বিজ্ঞানৰ বাবে মানুহ

 ড° ভূপেন হাজৰিকাই কৈছিল "সমাজে সাৱটিব মহান মানৱতাক বিজ্ঞানে আনিব জোঁৱাৰ। অৰ্থাৎ মানুহ আৰু বিজ্ঞান এটাৰ আনটো পৰিপূৰক। বিজ্ঞান হ'ল মানৱ চিন্তাৰ পূৰ্ণ ফচল । আমি জানো যে চৰ্তুদশ আৰু পঞ্চদশ শতিকাৰ নৱজাগৰণ তথা সপ্তদশ শতিকাৰ শিল্পবিপ্লৱে মানৱ সমাজক ন ন চিন্তাৰে উদ্ভাসিত কৰি অন্ধবিশ্বাসৰ শিকলি ছিঙি এক উন্নত মানৱ সভ্যতাৰ উত্তৰণ ঘটালে; তেতিয়াৰ পৰাই পৃথিৱীত আৰম্ভ হ'ল বিজ্ঞানৰ যুগ।

        প্ৰথম অৱস্থাত মানুহে প্ৰাত্যহিক জীৱনৰ প্ৰয়োজনীয় খিনি নিৰ্মাণ কৰি এক সুখ আৰু স্বাচ্ছন্দৰ জীৱন মানৱ সমাজক উপহাৰ দিয়াৰ পৰা এতিয়ালৈকে এই চেষ্টাৰ কোনো ক্ৰুটি নকৰি আমাক ন ন‌ আৱিষ্কাৰ তথা উদ্ভাৱনে আজিও উদ্ভাসিত কৰি আহিছে। মানুহৰ বাবে যে বিজ্ঞানে এতিয়ালৈ কিমান অৱদান আগবঢ়াইছে সেইয়া বৰ্ণোৱা অসম্ভৱ। এই মহান বিজ্ঞানক বস্তুনিষ্ঠ ৰূপত সত্যতাৰে উপস্থাপন কৰাত মানুহেই হৈছে একমাত্ৰ পথপ্ৰদৰ্শক। মানুহ‌ পৰিৱেশ, পৰিস্থিতিৰ ওপৰত নিৰ্ভৰশীল হৈ অনুসন্ধিৎসু মনেৰে নজনা কথা জানিবলৈ কৰা প্ৰবল হেঁপাহেই বৈজ্ঞানিক চিন্তাৰ আখৰাথলী। সেয়েহে বিজ্ঞানক কেতিয়াও মানুহৰ পৰা বিছিন্ন কৰিব নোৱাৰি। 

       সময় আৰু সমাজ পৰিৱৰ্তনৰ লগে লগে বৈজ্ঞানিক কাম কাজ সমূহলৈ পৰিৱৰ্তন আহিল। ভাপ ইঞ্জিন আৱিষ্কাৰ কৰি যাতায়াত ব্যৱস্থা সুচল কৰি ঔপনিৱেশিক প্ৰতিষ্ঠাৰ কালত বিজ্ঞানক মানৱে মানৱৰ হিতে তথা পৰৱৰ্তী কালত ভয়ংকৰ ধ্বংসৰ পিনে গতি কৰাইছিল। পাৰমাণৱিক অস্ত্ৰ শস্ত্ৰ নিৰ্মাণে পোন প্ৰথমবাৰৰ বাবে মানৱ সমাজক সন্ত্ৰাসিত কৰি প্ৰথম বিশ্বযুদ্ধৰ সূচনা কৰিছিল। এই কথা পৰীক্ষিত সত্য যে পৰৱৰ্তী সমাজ ব্যবস্থাত মানুহৰ পুঁজিপতি চিন্তাধাৰাই বিজ্ঞানক মুনাফা অৰ্জনৰ এটা যন্ত্ৰ কৰি তুলিলে। এক কথাত বিজ্ঞানী এজনৰ যিমানেই উপৰুৱা সন্মান নাথাকক প্ৰকৃততে তেওঁ হ'ল পুঁজিপতি শ্ৰেণীৰ এজন কৰ্মচাৰী। এই কথা মানৱ সমাজে পাহৰিব নোৱাৰে যে মান হাট্টান প্ৰজেক্টৰ পৰিণতিতেই অৱশেষত নিৰ্গত হৈছিল নাগাচাকি হিৰোচিমাৰ হিয়া ভঙা ক্ৰন্দন আৰু ব্যাপক ধ্বংসলীলা। 

      সেয়েহে মানৱ সমাজে মানৱ সমাজৰ স্বাৰ্থত বিজ্ঞানক ব্যৱহাৰ কৰিলে মানুহ আৰু বিজ্ঞান সদায়ে সুহৃদ হৈ ৰ'ব।